Start Aktuelles Unser Verein Mannschaften Tabellen Unser Heimatsport Linkliste EM Sonderseite
Satzung
Kontakt Gästebuch Impressum
Statuten van de Klootscheter- un Boßelvereen "NOORD" Nörden e.V., grünnt 1911 1 Naam un Sitz De Vereen dragt de Naam "NOORD" Nörden mit dat Anhangsel "e.V." un is in dat Vereensregister indragen. He sitt in Nörden. 2 Upgaven  Upgav van de Vereen is 't, dat uroll Spill van de Fresen, dat Klootscheten un Boßeln un ok dat Schleuderballsmieten, to plegen un vörantobrengen. Dormit will de Vereen ok uns Moderspraak un all wat mit de Heimat to doon hett, hegen un plegen. De Vereen will nix anners doon, as wat direkt för d' Nütt van 't Allgemeen good is un sük an de Sinn van de Stürbegünstigung van de Ofgaven-Örden utrichten. All, wat de Vereen hört,  dürt  blot   för dat utgeven worden, wat in de Sinn van disse Statuten is. Vereenslü kriegen keen Geld ut de Middels van d' Vereen. Nüms dürt 'n Gunst kriegen dör Utgaven, de de Upgaven van d'  Vereen frömd sünd of dör to hoge Towennen beterstellt worden. 3 Mitgleedschup, Bitree  Vereenslü könen enkelde Lü worden un ok 'n Gemeenschup. Mitgleed word een dör 't Unnerschreven van 'n Bitree-Verklaren. Aver de Annahm beslutt   de Vörstand. Wenn neet binnen veer Week de Vörstandsbeslutt geböhrt, gellt de   Verklaren    as annahmen. 4 Mitgleedschup, Utscheien  Mitgleeden scheien ut dör Dood, dör 'n Verklaren aver Utscheien of wenn een utslaten word. Een kann to elke Tied utscheien dör 'n schreven Verklaren an de Vörstand. De Uttree gellt up 'n Enn van dat lopende Johr. Aver dat Utsluten ut d' Vereen entschett de Vörstand, nadem disse Utslutt upföhrt wur up de Ofloopplan van de Dag, wor dat beproot't  worden sall. Grund för 'n Utsluten sünd to 'n Biespiel schandbar Verhollen, groff Vergahn  tegen  de Sinn  van disse Statuten of ok tegen dat, wat beslaten is. Grund is ok dat Neet betahlen    van   de   Bidrag, na dat een tweemal mit schreven Schrift nögt worden is mit androhen van butensetten. Well  sien Utscheien verklaart hett, of well d'r  buten sett't worden is, hett keen Anrecht up  dat,  wat  de Vereen hört. 5 Bidrags- un anner Plichten  Elker Mitgleed mutt Bidrag betahlen. Aver de Höcht van de Bidrag un wennehr he betahlt worden mutt, beslutt de ördentlik Versammeln van all Vereenslü. De van de Mannschuppen wunnen Priesen un Pokalen worden Egendom van de Vereen. 6 Organen un Inrichtens van d' Vereen  Organen van d' Vereen sünd de Vörstand, de de Geschäften föhrt, de vergroterde Vörstand un de Versammeln van all Vereenslü. De vergroterde Vörstand kann besluten, anners to organiseren un kann Utschussen mit besünner Upgaven insetten. 7 Vörstand, de de Geschäften föhrt  De Vörstand, de de Geschäften föhrt, besteiht ut de 1. Vörsitter,  de stellvertredende Vörsitter, de Schriever un de Knippholler. Schriever un Knippholler könen een Person wesen (Geschäftsführer). 8 De vergroterde Vörstand  De vergroterde Vörstand besteiht ut de Vörstand, de de Geschäften föhrt, ut de stellvertredende Schriever un Knippholler, ut all de Fackbasen as ok ut de  Vörsitters,  de  ut  de  Middent   van  de Utschussen kört worden sünd. Fackbasen sünd de Sportbaas, de Klootscheeterbaas, de  Frolübaas, de Pressebaas, de Sozialbaas, de Baas för de Gereedschup un de Basen van de jung un oll Lü. De vergroterde Vörstand gifft sük 'n Geschäftsörden. 9 Kör van de hele Vörstand  De Mitgleeden van de hele Vörstand worden - mit Utnahm van de Ut-schußvörsitters- all twee Johr van all Vereenslü in de Hauptversammeln kört. De oll Vörstand blifft bit to de Neewahl in 't Amt. Wenn dor'n Stück of wat Wahlvörschlagen vörliggen, mutt de Kör up Andrag geheem vör sük gahn. Well de meeste Stimmen kregen hett, de is kört. Sünd de Stimmtahlen gliek, mutt'n Stäkwahl maakt worden. Gifft dat denn noch mal glieke Stimmtahlen, entschett dat Los. Elk kann weer kört worden. 10 Rechten un Plichten van d' Vörstand  Vörstand in de Sinn van § 26 BGB sünd elkermal twee Mitgleeden mitnanner van de Vörstand, de de Geschäften föhrt. Dorvan mutt een de 1. of 2. Vörsitter wesen. De Vörstand hett all Upgaven van de Vereen wohrtonehmen, sowiet as dat neet utdrückelk de Versammeln van de Vereenslü angeiht (§11 van disse Statuten un BGB-Vörschriften). De Vörstand kann van dat, wat sien Saak is, enkelde Upgaven up de Utschussen averdragen. 11 Versammeln van all Vereenslü Tominnst eenmal in't Johr mutt een ördentliken Versammeln van all Vereenslü inberopen worden. De ördentlike Versammeln van all Vereenslü beschlutt aver de Bidragen un de Kör van de vergro- terde Vörstand, mit  Utnahm  van  de  Vörsitters  van  de  Utschussen,  dat  Ofnehmen  van  de  Johresreken, dat Goodheten van dat, wat de Vörstand dahn hett,  un  aver't  ännern  van  disse Statuten. De Versammeln van de Vereenslü kört ok twee Geldtellers, de elker Johr de Vereenspott vör de Hauptversammeln to kontroleeren hebben. De Versammeln van de Vereenslü kann besluten, wenn se na Recht un Örder inberopen is. Ofstimmen dürt elker Mitgleed, de dor is un de dat achteinst Levensjohr al achter sük hett. De Versammeln beslutt mit de meeste Stimmen, sowiet nix anners vörsehn is. Bi glieker Stimmtahl gellt'n Andrag as oflehnt. 12 Inladen to 'n Versammeln van all Vereenslü Dat Inladen to de Versammeln van all Vereenslü, hett de Vörstand in Gang to setten dör'n Rundschrieven of dör Uthangen in't Vereenslokal mit Bekanntmaken van dat, wor't um geiht, of dör Schrieveree van'n Nögen in de "Ostfreeske Kurier" mit'n Frist van een Week. En besünnern Versammeln van de Vereenslü mutt inberopen worden, wenn de Hälft van de Mitgleden van d' vergroterd Vörstand dat will of de Hälft van all Vereenslü dorup steiht. 13 Upschrift Aver elker Versammeln van de Vereenslü un aver elker Versammeln van de Vörstand is 'n Upschrift uptonehmen, de van de Vörsitter of sien Stellvertreder un van de Schriever of sien Stellvertreder unnerschreven worden mutt. 14 Geschäftsjohr Dat Geschäftsjohr löppt van 1. Januar bit to de 31. Dezember. Dat Vörleggen van de Rekens hett elker Mal in de Hauptversammeln na Ofloop van 'n Geschäftsjohr to geböhren. 15 Hogere Verbanden De Vereen hört to de Kreisklootscheterverband Nörden un dordör to de Freeske Klootscheterverband. Butendem hört de Vereen to de Kreissportbund un de Turnerbund fö Neddersassen. Sowiet nix anners schreven steiht, avernimmt de Vereen de Wettstried-Bestimmen van de Kreisverband un de Freeske Klootscheterverband. 16 Uplösen Dat Uplöen van de Vereen kann blot beslaten worden in en besünnern Versammeln van de Vereenslü. To disse Versammeln is een Maand vördem to nögen. Dat Uplösen mutt mit 'n Mehrheit van dreeviertel van de Vereenslü de dor sünd, beslaten worden. Bi Uplöen of Upheven van de Vereen of bi Wegfall van de Sinn, de sowiethen gullen hett, fallt dat Good van de Vereen an de Kreisklootscheterverband Nörden e.V., de dat denn ahn Utnahm för d`Nütt van 't allgemeen Wark för de jung Lü to bruken hett. Beslaten van de Versammeln van all Vereenslü an 'n 3. Mai 1991
1: index.htm
2: neuigkeiten.htm
3: index_3.htm
4: termine.htm
5: presseberichte.htm
6: fotos meister 2019.htm
7: fotos.htm
8: wir ueber uns.htm
9: geschichte.htm
10: vorstand.htm
11: satzung.htm
12: ehrungsordnung.htm
13: vereinsheim.htm
14: anfahrt.htm
15: bosselstrecken.htm
16: mitgliedschaft.htm
17: beitrittserklaerung.htm
18: beitragsstruktur.htm
19: datenschutzerklaerung.htm
20: vereinszeitung.htm
21: erfolge.htm
22: mannschaften.htm
23: frauen.htm
24: frauen 1 ll.htm
25: frauen 2 kk.htm
26: index_26.htm
27: frauen 4 liga.htm
28: frauen 4 kl.htm
29: index_29.htm
30: maenner1rl.htm
31: maenner2ll.htm
32: maenner3kl.htm
33: maenner4kl.htm
34: maenner5kl.htm
35: maenner5 1 kk.htm
36: jugend.htm
37: weibljugend c.htm
38: maenner 5 2 kk.htm
39: index_39.htm
40: weibljugend a.htm
41: gemjugend e.htm
42: jugend d.htm
43: index_43.htm
44: index_44.htm
45: index_45.htm
46: index_46.htm
47: index_47.htm
48: index_48.htm
49: index_49.htm
50: index_50.htm
51: index_51.htm
52: index_52.htm
53: index_53.htm
54: index_54.htm
55: index_55.htm
56: index_56.htm
57: index_57.htm
58: index_58.htm
59: index_59.htm
60: index_60.htm
61: index_61.htm
62: jugend d_1.htm
63: index_63.htm
64: index_64.htm
65: index_65.htm
66: index_66.htm
67: index_67.htm
68: index_68.htm
69: index_69.htm
70: index_70.htm
71: jhv_bilder.htm
72: index_72.htm
73: presseberichte 2013 2014.htm
74: index_74.htm
75: index_75.htm
76: index_76.htm
77: index_77.htm
78: index_78.htm
79: index_79.htm
80: index_80.htm
81: index_81.htm
82: index_82.htm
83: index_83.htm
84: index_84.htm
85: index_85.htm
86: index_86.htm
87: index_87.htm
88: presseberichte 2015 2016.htm
89: tabellen.htm
90: index_90.htm
91: index_91.htm
92: index_92.htm
93: index_93.htm
94: index_94.htm
95: index_95.htm
96: index_96.htm
97: presseberichte 2017.htm
98: index_98.htm
99: index_99.htm
100: index_100.htm
101: index_101.htm
102: index_102.htm
103: index_103.htm
104: index_104.htm
105: index_105.htm
106: index_106.htm
107: index_107.htm
108: index_108.htm
109: index_109.htm